2009年7月30日 星期四

繼續【雕印仔】


由起稿到完成, 一晚就起貨了~


自己心急, 一但開始左就唔完成唔安樂,


雕完才去睡覺~~zzzZZZ


你們看到女孩手拿發蛋器外, 另一隻手拿著什麼呢??


曾經有人估過......


爸爸:「那是--粟米!」


弟弟:「那是--甘筍!」


......


我:「給你們氣壞了!!」


哈哈


 


2009年7月28日 星期二

7月份號外 3【百花金錢卷】

 


2009年7月29日


AM730 Newspaper


http://www.am730.com.hk/am_cooking.asp



 



謝謝大家支持


 


<<密切留意下期號外>>


【日式小饅頭】


這款小饅頭相信大家兒時一定吃過,


兒時的我很愛這小吃, 常常會帶回學校當作茶點


喜歡它甜甜的, 入口即溶的感覺, 很神奇的呢~^_^



做了兩遍, 成品味道和感覺都接近了,


是表面的裂痕還要下多點工夫!!


等我再研究一下先~~^_^


2009年7月26日 星期日

追光【宇冶金時白玉】


追巴士...追時間...追月......呢D term 就聽得多,


追光呢個term只係o係屋企聽過,


媽媽:「喂, 洗衣機D衫洗好啦, 快D"浪"好佢啦, 太陽就快落山啦, 要追光呀!!」


今次要追光既輪到我, 要追光影相丫嘛~~


屋企有陽光既時間唔多, 仲好多時要等, 等得到又要快快手, 又怕太陽伯伯會走~~


想影張好D既相, 等下都值得!!!^_^


今期整左超濃綠茶雪糕, 差唔多用左半樽綠茶粉先整到1L雪糕,


味道夠曬濃, 帶少少甘甜味,


再配埋紅豆蓉同埋煙煙韌韌既Shiratama白玉,


令口感更加豐富, 又可以中和雪糕紅豆既甜味,


夏天食簡直透心涼呀~~COOL~~


2009年7月21日 星期二

做手工【雕印仔】


早排看到喵喵餅友玩雕印仔, 覺得好玩又好用,


所以忍唔住又試下自己雕番個黎玩下~~hee heee


o係網上看到好多好靚既Pattern, 真係個個都想整~~~


印象中好似中學時代玩過雕刻


之後就再無整過啦~


 


第1個雕既係Hand Made印仔


一開始就雕字......越級挑戰......傻左...


D字真係幾難雕, 線條又幼又細, 雕到眼都花~~@_@


第一次唔係好識控制把刀同埋力度,


D字比我雕到花左......最後掉左...


呢個已經係同款既第2個啦~~


字既粗幼未夠stable呢~



 


雕完第一個, 開始知道要點樣用力,


點樣雕字會好, 邊把刀要點用等等......


 


第2個


D字雕得好左少少, 起碼一TAKE過, 無雕花字面~~



 


到雕第3個時, 熟手左快左, 雕得狠左!!


好快就完成, 比起第1個Home Made好好多~~


 


雕完3個印仔, 發覺最累既唔係對眼, 亦唔係對手


而係......條頸......


真係要雕一陣, 休息一陣呢~


2009年7月19日 星期日

【Organic Strawberry Sorbet】


買左新玩具 (雪糕機) encore左3-4次焦糖榛子雪糕,


今次整下整其他口味啦~~~


雪櫃有太多太多士多啤梨, 因為早排老徐農莊出產太多, 食唔切,


所以比我打左做果蓉, 冰左佢再慢慢諗整咩好~~


為左清貨, 所以整呢個Organic Strawberry Sorbet~~Cool一Cool~~


呢個sorbet唔使加奶又加Cream, 即係無咁肥~~(呢個先係重點!!)


粉紅色實在很誘人呢~~~食落去超冰涼哦~~~


不過, 我都係仲意雪糕多D, 皆因濃D滑D又......肥.........hee heeee


 


PS: 之前影既相多數o係夜晚影, 今次為左想要自然光,


      所以特登o係下午影, D光真係好過以前少少~~


      等我發掘下屋企既光位先!~~^_^


2009年7月17日 星期五

【Mami Happy Birthday】


今日係Mami既生日,


早幾日已經向我落order要食New York Cheese Cake X 4個~~


因為要帶番公司跟同事一齊分享~~^_^


到左夜晚o係屋企切蛋糕時, 諗起好似好耐都無影過全家幅,


於是就好認真咁走去set腳架, set機, 走來走去攪左一大輪


買左部相機2個幾月, 都好少用倒數function, 當所有人埋曬位之後,


倒數10 9 8 7 6 5 4 3 2 1~~笑!!~~


=咔嚓=咔嚓=咔嚓=咔嚓=咔嚓=咔嚓=咔嚓=咔嚓=咔嚓=咔嚓=


嗯......明明教左10秒倒數, 點知......教左10秒倒數再連拍10張......


hahaha, 真係笑到碌地, 連D蝦碌野都拍低曬, hahaha


咁快又一年, 好似過得好快好快咁~~


唔知下年, 下下年, 下下下年又會點呢?


Mami, Happy Birthday哦!~~


記得初初學做餅時, 芝士餅係必做之選~~


但久而久之覺得芝士餅實在太膩, 有一段時間無再整lu~~~


隔左咁耐再食番, 又幾好味喎, 芝士餅都係少吃多滋味~~


【愛心滿溢‧美男廚房】



最近常常接觸到一些文字工作, 是一個新的嘗試~


由負責面試到撰稿一手包辦, 感覺很有趣!!


這次的主角---家寶, 工餘時喜歡做義工, 教小朋友整蛋糕甜品


第一次見到家寶時, 有著熟識的感覺, 因為大家也愛整蛋糕~


他推介了砵仔糕食譜, 希望大家也試試看哦!~~^_^


《紅白藍‧第七期》


 


2009年7月16日 星期四

Caramel Hazelnut Ice-cream 【Recipe】


天氣咁熱, 都係唔好開爐啦, 不如轉去開「櫃」啦~~


咩櫃?? 大熱天時緊係去開雪櫃啦, COOL~~~


食過Caramel Hazelnut Ice-cream既朋友, 都大讚味道好, 想Encore~~


焦糖同榛子既味真係好Match架,


一D都唔難整, 大家快D郁手做啦~~~


【焦糖榛子雪糕 Recipe】


材料:


蛋黃 5隻


砂糖 A 50g


砂糖 B 100g


粟膠 ( Glucose ) 30g


鮮忌廉 250g


牛奶 500g


榛子 約10粒


做法:


1: 先將雪糕機內膽雪好(請跟據說明書的指示)


2: 榛子放入已預熱150度的焗爐焗15-20mins至金黃, 去衣後切碎備用.


3: 鮮忌廉用微波爐先加至暖.


4: 蛋黃 + 砂糖 A 打至淡黃色備用.


5: 用一厚身小鍋, 放入砂糖B 和粟膠, 以中火煮至焦糖啡色. (只需間中用木匙攪拌)


6:關火後倒入暖忌廉 (小心蒸氣及焦糖彈出!! 若焦糖有結塊也不要緊)


7: 倒入牛奶, 以中火邊攪邊煮至焦糖完住溶解便可關火. (不用煮到大滾)


8:將焦糖忌廉倒入4的蛋黃漿中.


9:將焦糖蛋黃漿隔水煮至82度(邊煮邊攪).


10: 放涼雪凍後, 即可倒入雪糕機內膽中攪拌至杰身.


11: 下榛子碎用膠刮混合, 倒入膠盒雪至硬身即可享用!!!


大家做完記得話我知呀!!!~~^_^


 


 


 


 


2009年7月14日 星期二

7月份號外2【口水雞】

2009年7月15日


AM730 Newspaper


http://www.am730.com.hk/am_cooking.asp




是次排版上出了些問題呢


溫馨提示


Step 3 浸雞用的水


請加入薑片2片, 蔥白 (略拍) 2條, 紹興酒 1茶匙, 八角 2粒, 鹽 1湯匙


因排版問題, (圖一) 可以不理會


真的不好意思哦~~


謝謝大家支持


 


<<密切留意下期號外>>


2009年7月11日 星期六

【心葉毬蘭賞花小聚】

YC屋企既心葉毬蘭終於開花啦~~


於是約埋幾個小友一齊上去賞花聚一聚


第一次拜訪YC屋企, 實在興奮!!!



呢個心葉毬蘭真係第一次見, 有好多紅色小花,


每粒紅瓣上仲有一粒燈色波點,


好似蟹籽咁樣, 真係好得意,


聞落去既香味有D似焦糖味, 又有D似魚仔乾既香味, 真係好特別哦!!!~~


花原來可以係咁既, 真係大開眼界^_^


賞花之餘, YC為我地準備左豐富又好味既午餐~~


每次我都好期待YC整既野食架~~次次都有新驚喜!!!



大葉魚餅


這個魚餅我超仲意哦, 做法簡單, 味道非常清新,


好Fresh, 岩曬夏天食!!!食完真係透心涼哦~~


真係愈食愈好味, 我忍唔住encore左幾塊,


每次食都話好好味哦~~^_^我要試整呀!!!


 



清新沙律配 yves kitchen的Thai mama sauce


近排天氣炎熱, 所以超愛吃salad~~


 



燴咖哩羊肉煱飯


內裡有名貴既蕃紅花, 羊肉, 撈埋咖哩汁送飯, 實在一流~~~


 



香料煎封鴨胸伴無花果醬


煎封鴨胸香口之餘, 一D都唔油膩, 配埋個無花果醬實在甜美~


 



A moon帶來的法國黑松露醬芝士


芝士很Creamy, 帶著濃濃的松露香~~


 


還有Martina自製的酸薑, 忘了影相tim~


 



A_moon帶來的Strawberry


 



小三自家製馬仔, 是我吃過最好吃的馬仔!!!


糖膠甜度和黏度剛剛好, 不會一咬就散開(好吃過奇華的好多好多)


鮮製的馬仔是很鬆脆的, 是差點兒被遺忘的味道, 在街上吃不到的風味~~


小三, 不如......幾時再encore呀~~~


 



我的caramel hazelnut ice cream


食飽飽就開始動手做蛋糕甜品啦~~


 



先有A_moon既 可可粉 + 100% 朱古力雪芳蛋糕, 超成功呀!!!


沒有爆泡, 很軟很彈很香濃朱古力味既雪芳呀!!! 又是要encore!!


 



我的100%朱古力忌廉卷蛋~~


朱古力cream很好味, 但是這次蛋糕體做得不太好呢......


 



剩下的蛋白用來做了Creme Brulee~~


幫YC的新火槍剪綵呢~~^_^


今次人少少既gathering, 又可以傾下計, 整下食下又賞下花,


仲一齊玩下單反~~~好Relax好開心哦~~


謝謝YC既熱情招待哦!~~~^_^


【打風去High Tea @ 藍色大門.攝影篇】

早上11點幾就入到藍色大門, 因為今日約左餅友們High Tea 嘛~~


時間尚早, 人未到齊, 黎個攝影大會先!~~


雖然打緊風, 但太陽依然好猛烈, 係間中落下驟雨咁啦~~



先去外面既花園影下相先~~^_^


 



一直都想影既荷花, 竟然在這裡遇上呢~~


 



荷葉......想起糯米雞呢


 


 



巧合地遇上了雙托荷花, 開得很燦爛呢!


 



想起蛙蛙會長呢......


 



白荷


看到蓮蓬和蓮子嗎?


 


 



愛她的線條, 愛她的香氣


仙姐說想起雙黃蓮蓉月......哈哈


 


 



出於污泥而不染


 


 



還遇到很喜歡的雞蛋花呢


 


 


你又喜歡那一張呢?


 


 


影了一會兒, 很熱哦...


還是在進屋內準備我們的High Tea 吧!


【打風去High Tea @ 藍色大門.美食篇】


雖然今日打風, 但係無損14位餅友既雅興, 走到藍色大門High Tea~~


仙姐既17小時鵝肝吐司 + 菠菜芝士包包


菠菜芝士包包既脆面實在太好味道!!~


鵝肝吐司既香氣實在令人難以忘懷哦~~諗起都想encore!!!



招牌炸蝦丸



這個炸魚柳外脆內嫩, 配上超多他他醬, 超美味+滿足!!!



Tigger ---柚子salad


很愛Thai Style既salad, 酸酸辣辣又香口, 超開胃呀~



Rachel Yau---口水雞


用了嘉美少爺雞, 夠曬健康!!



倫家---焦糖芝士香蕉撻~


一D都唔膩哦~



豬小姐---菠蘿椰子撻


菇時 ---貝殼蛋糕


Cherry Poon ---Egg Salad Tart


Erica--- Chocolate Cake


放曬上個high tea 架上面, 好高貴呀~~



YYCAKE---煙肉露筍芝士串



甜椒配上Goat Cheese



小四---三文魚抹醬 (中後Log 模)


入面有洋蔥, 水瓜榴, 幾醒胃架~



小撇撇---牛油果點點醬配墨西哥脆片



查查---綠茶紅豆蛋糕



最後有我既焦糖榛子雪糕~~~So Cool~~~



計下計下, 好耐無見過班餅友啦,


大家圍埋一齊傾下計, 食下野, 真係好開心呀~~^_^