2008年2月12日 星期二

Happy Valentine's day


一年一度既情人節又黎啦~~~


先祝各位情人節快樂!!!^_^


倩兒同學今日放學黎左我屋企整朱古力,


今年既情人節對佢地特別有意思架~~(o係度唔多講啦!!)


分別整左Green Tea Truffle 同埋 Strawberry Chocolate


效果整出黎都好滿意呀!!!好開心!!!比想像中好好多呀~~~


我就比較仲意Green Tea Truffle , 甘, 甜, 脆, 滑, 集於一身~~


我地一邊整, 心情一邊好緊張, 感覺好刺激!!!!


令到我都戥你地好開心呀!!!


在此衷心祝福你們哦!!^_^


PS: 能夠為別人去準備驚喜, 自己也覺得很開心, 很幸福!!!^_*~


2008年2月8日 星期五

赤口@藍色大門

時間過得好快呀, 上年既初三都係o係藍色大門度過!!!


今年都唔例外, 仲認識左好多好多新餅友tim!!!



你地睇清楚d, 係型爐既miniature, 艾美既傑作黎架!!~


真係好靚好精細哦!!!



仲有佢整比我地一人一份既 Dessert Miniature, 非常精巧!!


真係好cute好可愛!!!謝謝你呀---艾美



Banana Opera



 



貓姐的馬豆糕, 做形很cute哦!!!



睇下今日仲有咩製成品啦!!~


蛋卷, 芝士菠菜包包, 17hrs海苔miso吐司, Biscotti......太多太多了



晚飯更加豐富, 因為有大師, 仙姐, Anne and Rachel主理


今次係食中菜, 感覺好得意,


因為多數在藍色大門也是吃西餐的, 中菜可算是第一次!!


水準當然是一貫的高水準啦!!^_^樣樣都很好味


其中一道菜---薰蛋, 是我很喜愛的,


當時已向Rachel偷師啦!!~~~係時候encore啦!!!



認識著您們, 真的感到很幸福哦!!^_^


other link: 仙姐, 小三, Rachel Yau, 貓姐, Anne etc.........


 


2008年2月7日 星期四

新春快樂2008

新既一年祝大家"身體健康" "笑口常開" "學業進步" "食極都唔肥"~yeah!!!


今日年初二, 去左上水開年~~~


好耐無試過咁齊人啦!!!^_^



拜完神, 食完開年飯就開始下半場!!


大人既就"發財埋便!!"


未滿18歲既就......



玩下波子棋啦!!!~~^_^



姑媽話:"呢副波子棋係我地細細個時既玩具黎架!!!"


估唔到副棋有咁耐歷史, 真係保存得好好哦!!!!!


黎到我地呢一代, 依然玩得好開心哦!!!

無料カウンター

2008年2月3日 星期日

只限堂食@椰汁雞蛋卷


新年就快到啦, 緊係要開始做D應節既食品啦~~~



可能你會覺得好奇怪, 點解無la la屋企會有件咁既野???


因為幾年前o係街度見到有人整蛋卷, 見到個呀叔好熟手咁反下夾下,


幾下手勢就整左條蛋卷出黎, 我覺得好神奇哦!!!


就係咁......過左N咁多個月之後, 終排考慮左好耐忍唔住要買啦!!^_^yeah!!


其實呢塊蛋卷夾係1-2年前同Daddy一齊去上海街買架,


點解要同Daddy去買??


因為個蛋卷夾對我黎講實在太太太太太重......2.2kg


所以要佢幫我手哦, 真係辛苦曬!!!


由於個夾對我黎講都幾重, 每反一下都好吃力哦,


所以之前幾次整蛋卷都要Daddy協助之下先可以完成!!


不過, 可能好耐無整, 又將近新年心思思想整,


所以今次等唔切Daddy放工番黎先整, 我靜靜雞走左去開壇啦!!hee hee heee~


將蛋卷夾燒熱, 放一湯匙麵糊, 合上蛋夾燒5秒反轉,


反o個陣要好小心慢動作呀, 如果唔係會好易扭親手哦!!!


之後再燒多5秒, 就可以打開蛋夾用棒子卷起就可以啦~~~


不過最難係控制個火, 火力太大既話, 麵糊熟得太快, 一卷就碎曬......


相反如果火力太細, 又唔會脆身~~~


今次整既蛋卷其實都OK, 不過......


D蛋卷隔左一晚就好快淋哦, 要再研究一下先得!!!


所以暫時只限堂食哦!!~~

無料カウンター