2008年8月29日 星期五

滿足


想吃大熱狗好耐啦~~


一早起身搓落個熱狗包底, 沾上大量芝麻, 塗點牛油


配上蕃茄, 青瓜 和 熱狗腸~~


最重要的是......大量的茄汁 + 芥末籽!!!


7大隻熱狗被4個人消滅了~~~


我吃了一個半就滿足曬囉~~飽飽~


正如阿俊所講, 如果有埋罐Coke就Perfect!! Cool 曬!!^_^


========================================================


食飽飽仲整左20個老婆餅啦~~


(相遲下補貼)


========================================================


當晚仲約左10個中學同學出黎食韓燒~~YEAH!!! 每月一聚嘛!!~~


傾左好多好多野, 又知到了一些朋友的消息......世事真的變幻無常


此刻只想說 : "珍惜眼前人"


蔥花蝦米腸粉

很久沒有拉腸粉了, 所以今天來一個蔥花蝦米腸粉~~


在廚房蒸了2小時~~人也溶化了~~*O*~~


得到Donald指導, 今次更易上手了~~


另一吃法: 豉油皇XO炒腸粉


很香口, 很惹味!!



2008年8月22日 星期五

To You

Raspberry Chocolate Gateau


是送給嘉瑜的見面禮~~



哎唷~~Raspberry沉了下去, 看不見蹤影呢......



17小時黑芝麻吐司


加了很多黑芝麻醬, 夠色但味不太夠~~


真的很久很久沒有做麵包了~~~



=========================================================


這是補貼20號的Lunch~~Pizza


用家中的剩餘物資做出來的~~算係咁啦~~



鸚鵡也來吃.叉子燒餅


今個八月份實在太旺啦~


繼北冕後, 事隔兩個星期, 鸚鵡駕到啦~~仲要掛到九號波~~真係利害~~


打工仔就正啦~~八月又多左兩日假~~哈哈


我就依然放緊暑假呢~~~YEAH!


今日晨咁早仲訓緊覺之際, 媽咪問我想食乜~


我就o係半夢半醒既情況下講左一大堆想食既野......


"我想食---雞...叉子燒餅...熱狗......" 下刪多到唔記得lu~


所以今日整左叉子燒餅囉~~



內餡: 豬肉, 蝦米, 脆口既酸青瓜粒, 當然唔少得要---加辣!!~~


屋企岩岩用曬白芝麻, 唯有用黑芝麻頂住先~~~打風嘛~~


個皮好鬆, 不過呢D酥皮既野, 都係少整為妙~~


如果唔係, 鸚鵡食完都變肥鸚鵡, 飛唔走哦!~~呵呵~


2008年8月14日 星期四

蓮香樓@上環

今天和家人去了美食博覽, 好多年沒有去, 因為覺得沒什麼好看~


但今年有免費飛, 又見咁多年無去, 所有就去一轉囉~


結果呢, 都係人迫迫.............=_="""下年都係咪攪!!!


行到累死啦~ 約埋阿俊去了吃蓮香樓~


想試很久, 很出名的老店子!!~等了差不多1小時~餓壞了@_@



炸軟殼蟹


沒什麼得別, 就是炸野囉~



炆海參鹿腳筋


兩樣皆沒什麼味道, 不夠入味, 很淡......


還有鹿腳筋不夠淋......很硬呀!!>_<



釀鯪魚


鯪魚肉中混入了豬肉和發菜, 但一吃下去口感很散,


雖很脆身, 有果皮味, 但香味不夠香, 若能加入蝦米蔥花, 味道更能提昇哦!!



大鱔煲


鱔很細條, 多骨而不夠肥美, 可能不是時候吧~~味道尚可~



鴻圖燴伊麵


即是蟹膏燴伊麵, 可是味道太淡, 淡如清水煮......還不用期望有什麼鮮味......


我想若開一罐罐頭粟米湯, 味道一定比它好得多......還要80個大洋......真不值哦!



最後點了個蓮蓉包作甜點


蓮蓉味本身不錯~~不過入面壓碎了的咸蛋黃呢....樣子就不太吸引啦......


包子不夠平滑, 而且......包工實在......要努力哦!



總括來說就是很失望吧......(個人意見)


晚市的話, 應不會有下次了......


有機會的話, 要試埋個早茶先~~


2008年8月12日 星期二

HAPPY BIRTHDAY TO ME

昨天是我的生日, 卻埋首在做蛋糕哦~


所以生日餅呢~~今天才補切!!^___^


Earl Grey Lemon Mousse Gateau



第一次這樣切橙~~很好玩呢


餅面的設計呢......還要好好努力了!~



側面Look~



今年的生日願望很簡單呢, 就是學業進步, 身體健康, 每天也開心快樂!~~^_^


==============================================================


P.S: 感謝你的勇氣, 這就是最好的禮物, 我會好好記著這一天!


2008年8月9日 星期六

泰地道@九龍城

又和阿俊去試菜,


這回去了九龍城---泰地道


順道預早慶祝我的生日嘛~~時間真的過得很快呢


青檸梳打  So COOL~~



泰式冬甩蝦餅


這個算是不錯~~夠彈, 若可有更多泰式香料味, 會更好!!


冬甩的造型, 我想是可以令蝦餅快點熟吧~HAHA



冬陰公肥牛火窩


Menu上寫著有3隻辣椒(最辣), 所以才點呢~


可是我們覺得一點也不辣......真想叫廚房加辣呢~~



肥牛



蛋網炒金邊粉


這個很普通, 不太特別, 不夠鑊氣及香口呢~



這間店一般啦, 地方尚算舒適~ 但應不會Encore了~~


鄰桌的老外顧客見我們在影食物, 覺得很有趣呢~


還有可愛的BB看著我們呢~So CUTE!~~


========================================================


神秘禮物



客氣了~~



P.S  


謝謝你呢


(出門口時有點阻滯, 遲到了, 真不好意思)


2008年8月7日 星期四

還是覺得你最好~

今朝早教完班, 番到屋企得番我一個, 緊係要搵D野黎整下啦!!


打開一本又一本Cook Book, 看來看去, 也找不到岩心水既雪芳味道......


什麼橙味, 香檸, 咖啡......etc, 所有也提不起興趣.......


打開雪櫃一看~~對了!!對了!!!~~熱情果來了!!!~


熱情果既味道真係令人難以抗拒呢~~~


熱情果雪芳~~~還是覺得你最好哦!~~~^_^ 食譜請按此



熱情果~~令到我成個人醒曬!!


今次仲要係用手去打蛋白tim......(自從有電動打蛋器以來, 我都好少用手打...)


好在都ok, 不過一邊打, 一邊流汗呢~~好熱呀~!!


咬番啖先啦!~~^_^



=========================================================


同場加映是日晚餐: 日式廣島燒餅



食完一塊已經飽曬lu~~~~


2008年8月6日 星期三

暑期甜品班--迷你朱古力scone

時間過得好快哦~ 一連六堂既暑期甜品班, 已經係最後一堂, 畢業啦!~~


迷你朱古力Scone



今堂佢地要落手落腳去搓麵糰呢!


佢地起初有D抗拒, 唔係好想用手整D牛油......


但隔左一陣......不知玩得幾咁興奮*O*~~再轆轆轆~~~



Scone本身是圓柱形的,


但係為左配合小朋友, 所以整左好多唔同既形狀呢~(好似變左曲奇咁=_=哈哈)



星星, 心心, 狗仔, 人仔, 船仔......etc



呢個Bear Bear係其中一位學生既作品!!!


我覺得佢整得最好~最有心機呢!!hahaaha



一如以往作風, 出爐後打算放涼入袋, 點知.......已經食左一大半啦~~


=====================================================


暑期甜品班 (初班) 已經完滿結束!!~~


中班---將會o係8月29日再開始~~到時再見啦!~~^O^


2008年8月5日 星期二

北冕~吹到黎啦

今日打8號風哦~~~北冕吹到黎呢~~


呢排咁鬼熱, 熱到成35-40度, 真係熱死人囉~~


個風一吹到, 即刻涼曬~~Cool~~~


打工仔又多日假, 就更加Cool啦~~^_^


因為打風, 無特別出街,


只係去左屋企樓下既Supermarket買D野咁~~打風特別多人呢


今日屋企特別齊人, 媽媽話想食馬拉糕呢~


今次係我媽媽負責落手整, 我就負責監督!!!Yeah!!(終於唔使出手都有得食!)


馬拉糕很鬆軟, , 以紅糖代替砂糖, 還減了1/3用量, 甜度剛剛好!


足足整左12吋蒸籠咁大, 真係打風唔憂無野食lu~~食譜按此


===========================================================


同場加映: 黑椒豬肉乾


好耐無整過呢^_^



我覺得個樣有D似乳豬皮呢......你地話似唔似哦??^_^


就係咁~~渡過左一個8號颱風既下午了~~


 


2008年8月4日 星期一

暑期甜品班--三料朱古力曲奇

唔覺唔覺, 一連六堂既暑期甜品班已經去到最後兩堂了, 過得真快呢!~


今堂教的是三料朱古力曲奇, 學生們極愛呢!!~^_^



他們做起上來也有板有眼架~~



這是其中一個學生, 她見到曲奇, 簡直瘋狂了~~~



每人做了很多塊曲奇, 但能拿回家的已不多......


因為......大部份曲奇已送往肚子裡~~哈哈


2008年8月2日 星期六

師徒下廚記

阿俊今天到我家作客,


我弄了他愛吃的烤豬頸肉來招呼他~


不知為何影出來的豬頸肉, 樣子和叉燒似極了=_=""


個人認為咸了一點呢



配上酸辣醬汁~~


味道比上次做的好吃多了, 沒那麼酸, 要好好記下份量, 再試呢!^_^



蕃茄炒蛋


阿俊常說這是他的巧手小菜哦!! 我當然要他示範一下啦!!~^_^ 辛苦曬喎!!




吃飽飯, 就要開工啦!!~


鳳梨酥




製作次餘亦不忘要拍拍照, 我亦乘機學習影相, 偷下師呢!~



圓圓的鳳梨餡, 圓圓的咸蛋黃, 方方的模子,


圓圓方方拼在一起感覺很有趣, 所以影了下來!



這次買的咸蛋很靚, 很多油呢!~


小販說:"奇華餅家也是用我們這些咸蛋呢!!~"



同場加映: 人形鳳梨酥, 又名: 人仔酥~~


雖然細細粒, 但係佢個身好多餡, 隻手仔又好脆哦!!


比我食左落肚lu~~好味道!! (係咪好殘忍呢.....)



很充實的星期六呢~^_^