2010年7月31日 星期六

【再到馬灣】

再n次來到馬灣, 影的相片不多,
由日影到夜, 好攰呀~~







 



 


 


【金御膳生麵】


Lunch 我多數食麵, 有時貪方使會食個公仔麵頂下肚,


但公仔麵食得多始終唔健康呢......


最近o係超市發現左呢隻 金御膳生麵, 試曬佢3種口味~


鮑魚雞, 牛腩, 上湯龍蝦味, 3種之中我最仲意牛腩味,


個湯底唔會好油, 飲完都唔太口乾~



平時煮生麵最怕煮完d湯好杰, 又要出水, 好麻煩呢,


呢個生麵完全唔洗出水, 湯底不會杰pat pat, 而且同公仔麵既煮法一樣,


麵身都好爽口, 亦無梘水味~~


重點係個麵完全非油炸, 比起食公仔麵更加健康呀!!


以後食麵又多個選擇啦~~~^_^


【Orange Fresh Cream Roll】


這次用了分蛋法, 蛋糕很細密,


比chiffon還要細密, 幾乎看不到孔孔呢


蛋糕撤滿Orange zest, 還捲入鮮橙肉~


夏天吃感覺好fresh呢~^_^


2010年7月28日 星期三

【麵軒.tea一tea】


岩岩去完荃灣路德圍食 元氣街既手抓餅,


但天氣實在太熱, 食完又再搵個地方坐一坐, 同朋友傾下計~


今次再去荃新天地既 麵軒, 原來tea時段好抵食呢,


平時單點飲品都要廿幾蚊落樓, 但係比多幾蚊就有個tea set, 一於試試先! 


朋友點了凍檸檬柑桔酸酸甜甜, 最岩夏天飲~~夠曬cool哦~



我點了杯 西柚星鑽優格


西柚也是酸甜, 但一點也不澀, 又有乳酸既味道~



入面有一粒粒既星星, 煙煙un un, 幾得意~



蟹籽炒飯



肥牛炒烏冬


飯/麵食就不過不失啦, 是一貫cafe的水準~



同朋友去飲下野, 都不失為一個好地方~


【元氣街.台灣正宗手抓餅】


今日係餅友 冧冧 既新店開張呀!!


我地一班餅友當要到到場旺一旺啦~~~



全港首間台灣正宗手抓餅,


係冧冧遠赴台灣拜師學藝呀,


以後想食手抓餅唔使去到台灣, 黎荃灣就得啦~!!



芝士肉鬆手抓餅


即叫即做, 芝士岩岩溶, 好好味呢~


熱辣辣又酥鬆既手抓餅, 食落一D都唔油,


配上不同TOPPING, 梗有一款岩你口味~~



睇下冧冧幾開心^_^



仙姐專程送上Blueberry Opera


希望冧冧新店同opera一樣, 大紅大紫!!




當然要送上少少心意啦~


生意興隆!!






冧冧親自出手



力度好講究架~ 要岩岩好, 太大或太細力都唔得架!!~~




除左鎮店之寶手抓餅之外, 仲有多款小食飲品


===================================================


元氣街小食店


臺灣手抓餅專門店


 地址︰荃灣海霸街, 荃好景地下1D


(即路德圍, 荃灣海霸街官立小學附近)


2010年7月27日 星期二

【八八新居入伙party】

7月10日


八八搬左新屋, 請我地去開party, 當然去啦~^_^


又有藉口比我地聚一聚~~



一齊重溫一下當日既美食啦~~



Moon 既 綠茶&柚子雪芳蛋糕



八八買左2個28L大焗爐, 我當然要幫佢開爐啦


香檸葉黑椒烤雞


大家都愛吃, 一於列入am730系列~^_^



小堡主既 熱情果白朱古力mousse,


口感清新輕盈, 好岩夏天食,


順便慶祝7月壽星女生日呀~~



Yc 既 黑松露黑欖焗魚柳


清清地, 好好味呢



布林仔帶來既鴨舌, 好入味呢~



Vanlily 既巴馬臣咸芝士餅


口感似日式芝士餅, 但更香口呀!!



肥妹仔&妹妹既冰鎮話梅番茄


酸酸甜甜又凍冰冰, 好開胃, 岩曬夏天食呀!


仲有肥媽既咖哩雞亦煲, 轉個就已食曬, 影唔切呢~



小三即包即炸既竽絲春卷



餡料全都是一絲絲, 真係好心機~


用竽頭絲做餡, 第一次試, 又幾好味喎!! 



食完炸野, 要飲番杯Shirley既檸檬意米水潤一潤~~



仲有Vanlily由Rachel處帶來獨角仙做的無花果包 & 芝士包


芝士包, 讚讚讚!!!


 



食飽飽就開工做下小點,


在moon帶領之下, 做了日式銅鑼燒, 一d都唔乾, 好潤好好味呀~


仲好好玩tim, 不過企左成個幾鐘, 真係辛苦曬!!:p



仲有八八既即製豬肉乾~~


就係咁食足一整個下午無停過口呢~~:p


呢排好多餅友換大屋, 唔知下次又去邊個度開party呢?? ^_^


【七一.回歸】

放假日日都出左去玩, 七一既post到依家先得閒出~:p


七一回歸, 一眾餅友又點會o係紅假比佢停呀,



今次由仙姐帶領, 一行13人齊齊北上狂食狂購物!!!!


同行既有


仙姐、靚桃、Pats、Vanlily、飛飛、So San、Ceci、


小撇撇、ireneblue、Susu、May Mok、May Yiu 和我 



一到步, 先到麗斯卡爾頓酒店既星麗中廳狂食點心小食~~


我地仲包左房, 坐得好舒適, 招乎都好好呀!!



必食推介: 神州叉燒包, xo醬蘿蔔糕, 蝦餃, 春卷


 



藕餅, 南瓜烙, 手絲茄子, 燒鵝, 鮮竹卷 都是必吃的!!



話咁快就食飽飽啦~~


 



岩岩離開中菜廳, 轉個頭甜品胃急call, 落左酒店既Fix cafe 食cake!!




睇下呢班女子食力幾咁強~~掃掃掃


掃完再encore左杯草莓大黃, 酸酸咪咪很岩夏天吃呢!



吃飽飽就去了購書中心開始shopping啦~~



短短個多小時, 個個都把握時間, 係咁掃掃掃,


個個gipson都滿載而歸呀!!!


我都掃左幾本麵包書同埋印仔書, 好開心呢~^_^


 



再去到笋崗, 繼續shopping~



個個都一袋二袋滿載而歸呀!!



掃完貨, 又要去補充一下體力呀!!


去了中信城市廣場的豫園吃上海菜,


這很店子很讚呀!!!大力推介!!


 



 




 



食飽飽, 大滿足呢~~


係時候回歸香港, 下次再黎勁食過呢!!~^_^


ps: 今日掛住拖gipson, 無帶相機, 謝謝pats借出相片呀!!~ thanks!