2009年6月24日 星期三

有機菇菇場

今日去左參觀有機菇菇場, 真係令我大開眼界~~


所有菇菇都係種o係溫室, 溫度同濕度都要控制得好好, 佢地先會快高長大哦!!


呢隻叫做 白本菇,



當你入到去個溫室度, 四周維都比D菇菇包維住你,


濃烈既菇味, 令到你既口水分泌亦都增加, 令你好想食佢~~


埸面好莊觀, 感覺亦好興奮呀!!!幾乎令我尖叫起來~~


隻隻菇都肥嘟嘟, 白雪雪, 加上圓轆轆既頂部, 實在超級Kawaii呢~~


實係好想mit 下佢, 咬佢一啖哦!!!!!



因為D菇新鮮採摘下來, 沒有經過運送, 所以無乜受損~~


o係supermarket實在見唔到咁靚, 咁壯既菇菇呢~~



呢隻叫做 金頂側耳菇


佢柔弱得黎好有美態~~樣子好高貴哦!


不過佢經唔起風浪, 運送後多會受損, 所以點解賣得比較貴~



呢一隻貌似秀珍菇既, 其實係 鳳尾菇,


佢既菇傘比較圓大, 同秀珍菇係唔同科架!!!



食起上黎比較滑~


睇下菇傘既底部, 線條一樣咁吸引



黑頭草菇, 名副其實個頭係黑色既~


平時食既草菇都係好淋, 無咩特別鮮味, 可以會有陣"up"味tim...


但係呢隻黑頭草菇煮既時候完全唔使飛水, 一D "up"味都無架!!


原粒煮黎食, 一咬落去會爆汁架~~非常鮮甜爽脆!!正!!!!!



杏鮑菇


佢好強壯架~~


切片黎煮, 食起上黎好彈牙, 好鮮甜架!!!



呢隻唔係毒菇, 而係 茶樹菇,


岩岩比採菇員採剩一隻, 因為佢未夠大~~收成得既茶樹菇係大隻好多架~


呢隻都好Kawaii, 我好仲意呢!!~~


o係咁多種菇入面, 最香既莫過於係佢!! 煮熟後既香味更加濃烈!!



金菇


同平時食既金菇好唔同, 佢大隻好多, 壯好多,


最重要既係一D 渣都無, 好好味架~~



仲有曬乾左既白磨菇,


曬完之後仲香哦!!



這次因為比較趕急, 只可以用九秒九同D菇菇影相, 同埋o係溫室入面都幾難影,


不過都好開心呀!!!


I will be back!!!! 菇菇~等我呀!!!^___^


11 則留言:

  1. 樣樣都好正呀
    [版主回覆06/26/2009 13:23:00]係呀, d菇菇真係好吸引架!!!^_^

    回覆刪除
  2. 暫時睇唔到相, 但又好唔慣就咁走開.  所以寫兩個字報到囉
    [版主回覆06/26/2009 13:24:00]哎喲......yahoo真係呢.....

    回覆刪除
  3. 我好鐘意食菇 ka...可唔可以話我知係邊度? 
    [版主回覆06/27/2009 00:23:00]呢個菇埸唔係開放比公眾架,
    如果你有興趣, 遲下可以通知你呢~~
    想食呢類有機菇菇, o係荃景圍街市"老徐農莊"有售~^_^

    回覆刪除
  4. 日後世伯會否種植菇菇?近來有甚麼新動向?
    [版主回覆06/27/2009 00:18:00]依家仲組織緊呢~~
    近來農場種植了西瓜, 就快有收成啦,
    當然好有好多瓜瓜菜菜啦~
    除左o係荃景圍街市之外,
    7月將會o係荃灣香車街街市有個檔, 推廣有機飲食哦!^_^

    回覆刪除
  5. 好可愛!
    [版主回覆06/27/2009 00:22:00](Empty)

    回覆刪除
  6. 啲菇菇真係好靚好新鮮呀(我終於睇到相喇)
    啲黑頭茹好似罐頭嘅仙(草)菇呢.
    杏鮑菇在這裡叫皇子菇呀.
    [版主回覆06/29/2009 04:16:00]罐頭嘅草菇好少食...可能o係街食左都唔知,
    硬係覺得罐頭嘅菇係好淋既......
    皇子菇呢個名幾好聽喎,
    唔知仲有無其他皇室成員架呢?
    公主菇...皇太后菇...皇帝菇...hahaha

    回覆刪除
  7. 啲菇菇好靚, 好cute呀! 支持有機種植! 荃景圍街市有"老徐農莊"!? 我上次去上水探老徐...
    [版主回覆06/29/2009 04:13:00]老徐話:「多謝你支持有機種植呀!」
    依家除左去上水之外, 仲可以去荃景圍街市/ 香車街街市
    搵到老徐既蹤影, 同埋品嘗有機蔬果呀!^__^

    回覆刪除
  8. 幾靚喎!
    [版主回覆06/29/2009 04:06:00]係呀, D菇真係幾靚架!^_^

    回覆刪除
  9. 好靚呀, 同超市果D差好遠呢.
    [版主回覆06/29/2009 04:08:00]即摘的嘛~
    超市o個d好多時出水變黃lu~~

    回覆刪除
  10. 幾時開張呀香車街街市個檔位?我來探妳呀!
    [版主回覆06/29/2009 16:10:00]約 7月中, 到時再通知你啦~
    多謝支持!^_^

    回覆刪除
  11. 呢個菇場响邊呀, 好想去呀.
    [版主回覆08/01/2009 21:30:00]咁不如搵埋一日一齊去丫, 反正我都想再去多次~^_^

    回覆刪除