點心DIY教學班【燒賣‧杞子桂花糕‧中式餅仔】

今日中午約左曉怡同學一齊去游水,

地點選擇了斧山道的泳池, 很好玩呢~~

三十幾度去游泳特別爽, 不過太陽實在好猛, 曬黑囉~~

游左成個下午都好累哦, 不過仲未可以番屋企,

皆因有特別節目~~

=============================================================

點心DIY教學班【燒賣‧桂花糕】

去左元朗一間酒樓上山學藝~~

晚上8點鐘岩岩到趕到, 真係趕到死死下呢......

原來呢個班有成600幾人報名架, 只有10個名額, 今次可以上到, 實在so lucky!!

我地o係廚房入面親手整, 最驚喜既係個廚房好乾淨!!

一直都認為廚房(特別係中式廚房係好濕淋淋架嘛, 原來唔係架~~

上堂前當然要先洗手, 穿上廚師既制服, 帶番頂帽啦!! 我覺得好有型哦!!!^_^

先整杞子桂花糕~~~

我負責做小幫手呢, 原來要D 杞子桂花唔沉底, 都有D技巧架~

就係要將D mixture攪到半凝固狀態, 仲要快手快手攪, 入模~

跟住就到最想學既 燒賣啦~~(我都好仲意食:P)

呢D就係燒賣皮啦~~

師傅出動佢既Magic Hand 代替KA, 將D餡打到起膠~~~

睇下我地著既制服咁, 係咪好認真呢~~真係名乎其實既女工~~

我第一個包完!!~~~yeah!!!(右下角)

師傅仲讚我包得最好, 好手勢呀!!

當然啦, 之前o係藍色大門做過包燒賣女工, 番屋企先已又包過嘛~~hee heeee

要包得好, 就要記住呢幾個tips~~

轉轉轉~壓壓壓~收腰~轉轉轉~~~

其實唔難的, 我覺得好好玩~~^_^

蒸熟啦~~~大家試食都話:「好似街買o個D燒賣呀!!」

師傅就比我地激死, 緊係似啦, 呢間係酒樓黎架嘛!!!   =_=""

即場試食左粒都覺得好好味~~(可能係游完水又未食晚飯, 覺得特別好味, 哈哈)

仲有時間剩, 師傅加多個中式餅仔~~

我地搓到唔同公仔形(好似玩泥膠咁)

雖然個樣比我地整到咁, 但係好好味架~~

有龜, 元寶, 兔仔, 雞仔, 鴨仔, 狗仔, 豬仔, 天鵝, 粟米.....N咁多款自創款式~~

唔知你又睇唔睇得出呢~哈哈哈哈, 比少少想像力啦~~

o係我等車番屋企既途中已經忍唔住將D餅仔食左幾個啦, 好味!~~

燒賣同埋中式餅仔我都要encore再整呀!!!~~~

目標要練到好似師傅咁唔洗九秒九包完一籠!!

師傅們Very Nice~~~

雖然呢個係免費點心班, 但係都有問必答, 超讚!!!

唔知下次仲有無機會去玩, 再同師傅見面呢?? ^___^

Good Luck!!!!!!!!!!!!!