Saint Michel

嘩哈哈!!!!!!!

今日除左係三八婦女節既日子外,

仲係我交sociology assignment既日子, 攪左咁耐, 終於KO左你啦yeah yeah yeah~~~

自從豬年新春馬拉松之後, 加上又病左...一直都無整過野啦...

難得今日攪掂曬, 一番到屋企掉底書包就即刻開工整啦~~~!!!

今次第一次整Saint Michel, 唔知係咪又有一排無開爐, 硬係覺得有點亂, 不過都好快攪掂啦!!!~~~

焦糖煮得焦D, 埋落D mousse到都好地地, 到入模個陣...嗯......咁快"琼琼"地既????

究竟係天氣凍, 定係我d糖煮得焦, 埋mousse較杰身???

仲有個杏仁蛋糕底好似薄左少少......(等我原先仲擔心會過厚tim)

另外D青蘋果煮完好似縮左水, 睇黎下次要買大個D同埋切得佢大舊D先至得!!!

味道都唔錯~~~~有青蘋果既香甜, 有好濃既焦糖味, 滑滑之餘仲有濃濃杏仁味!!

不過最開心都係整個陣, 因為成日比D焦糖牛油味包圍住~~~感覺好幸福啊~~~yoyoyoy~~~~

下次再整過~~~(嗯...我明明留起左一個青蘋果用黎影相架...點解...到最後會唔記得左架...)