忙

好耐都無update個blog啦......因為功課好忙......

少左開爐......就算整左野, 都無咩心機去update......

早兩天終於交了2大份assignment, 可以鬆一口氣了!!

誰不知......原來忙碌才剛剛開始......

在未來兩個星期,

將會有3個mid-term test+ 2個presentation+2大份essay assignment

2個星期後先可以再見到大家啦!!~~~努力!!!

 

PG家長指引-Creme Brulee

 

首先要讚一讚Yahoo Blog upgrade既function先!!

簡單易用效果仲好好tim!~~~

-----------------------------------------------------------------------------------------

第一次食Creme Brulee係o係酒店食Buffet吃到的,

焦糖的香脆+燉蛋的嫩滑, 真的很好吃, 還一次過吃了數杯.

結果被那Pastry Chef 看到我吃完一杯又一杯, 如是這應有四杯......

(為何他這麼留意我??當然啦, 因為要Re-fill的...係佢嘛!!)

只要它一放上新的, 我便去取一個,

他一臉無奈地說:" 你為何這麼愛吃Creme Brulee??"

我答:"因為覺得很好吃!!!"^_^ (他肯定以為我是傻的哦!!)

結果我們聊起上來, 每次再去, 也會再找找他!!(其實只去過2次...哈!)

------------------------------------------------------------------------------------------

之後找到了一些Creme Brulee的 Recipe, 跟著試做過, 不太差的,

不過當時沒有火槍, 唯有用焗爐把表面的糖燒焦, 但卻沒有脆脆的焦糖口感......

曾經想過為了這道甜品去買一把火槍,

媽媽卻說:"傻了嗎??很危險哦......*_*""" "

------------------------------------------------------------------------------------------

不久, 媽媽的朋友送了我一把火槍,

脆焦糖便成功了!!!!!

自此, 久不久只要屋企有忌廉剩下, 便會弄這個甜品!!!!!

不過......

媽媽始終認為 "火槍" 是"一級危險物品",

(因屋企有2個弟弟, 怕他們拿來當玩具)

每次也要PG 家長指引下, 才可用哦......=_="'

17hrs香草芝士番茄吐司

很久很久沒有做過吐司, 更何況是17小時中種吐司......

難得夾到時間, 一於encore蕃茄味吐司啦!~~

其實之前都整過2次, 都係用蕃茄肉同埋茄膏,

味道ok, 但硬係差少少野咁, 又講唔出係咩wor......

今次無比茄膏茄肉, 比左D香草蕃茄意粉醬入去一齊搓個麵糰,

再卷入大孔孔的芝士,入爐時, 麵包的蕃茄味非常濃烈,  

鹹鹹香香的吐司, 吃完一口又一口!!!

對!!!這就是我想要的味道了!!!

香草+蕃茄+芝士 = Perfect Match!!!!!!

什莓芝士餅

係時候清下屋企雪櫃埋積左好耐既存貨啦~~~

急凍既什莓子, 急凍既芝士, 一一掃清光!!!!~~

唔清下點買番D新野呀~~呵呵

呢個莓子芝士餅雖然係焗餅,

但係口感極軟滑, 軟滑到呀媽話:"嗯, 點解咁似Mousse cake既??"

真係丫...大熱天時, 我同個餅一齊焗左成大半個hrs架嘛.....

PS: 部相機開始唔係好聽話......影左好耐好多張, 呢2張先叫做好少少......

唔通, 真係要換個部Partner??

(破產了.....$_$"")

 

Happy Wedding 2007.10.6

今天是餅友 Cass 與狐狸的大日子哦!~~~

在此祝你們永遠幸福怏樂!!!^__^

Chairlady帶領著我們做了一個wedding cake送給他們哦~~

花了三天的時間製作, 出來的效果很高貴哦~~

從來也沒有想過wedding cake也可以homemade的,

真是大開眼界, 得益不少哦!!~~

謝謝"堅師傅", haha^_^

大口吃小籠包

一直也想整小籠包很久很久, 今天終於整左啦~~

將小籠包當飯吃, 吃到很飽飽哦~~~@_@

咬開真有一湯匙的湯汁哦~~

當然要配上姜絲+醋, 才夠好味哦~

不停咁包呀包, 包呀包, 練個夠哦!!!

包了80隻才用了一半餡哦~~~

這是不可缺少既湯汁凍哦~~~juicy~~

好像水晶一樣, 很靚哦~~

轆呀轆, 轆呀轆~~~

還剩下半盒餡, 看來明天也是吃它哦~~~~@_@

Double Happiness

唔覺唔覺, 發現原來好多好朋友都係o係9月份生日哦~~

我既好朋友+好鄰居 DAViD 又係9 月之

, 所以一定要比個驚喜佢!!

今次整左呢個名為Mareva既蛋糕比佢(上圖)

入面有Chocolate sponge

Imperatrice Orange Rice Layer 意大利香橙米布丁

仲有好濃郁既Chocolate Mousse 哦~~希望你仲意啦!!

對於一個仲意做餅既人黎講, 就算比你做到一個最perfect既餅,

(我的技術當然還有待改善哦!!)

但如果無人同你分享, 會覺得係一個遺憾!!!

只要見到人地食得開心, 你就會好滿足!!!

因為地理上既優勢, DAViD 就做左我既"白老鼠"啦,

哈哈, 多謝你唔介意哦, 希望不會辛苦了你啦!!

不過到時肥左唔好賴我呀, 呵呵!!!

(上圖)呢個New York Cheese Cake 係佢送番比我既回禮,

明明係你生日, 點解會變左交換禮物架...真攪笑!! 你實在太客氣了!!!

很可愛的Qoo樣T3T, 味道很好, 絕對不會 O MY GOD的!!^_^放心

用心做的蛋糕, 一定很好吃!

若不計藍色大門的蛋糕, 這算是第一個別人為我而做的餅哦!! 謝謝