尋物啟示

好慘呀......

我今日唔見左個銀包哦......慘慘慘

平時我都好小心架啦......唉......

ID Card, student cart, 八達通......也要再申請過......$_$""

應該o係何文田一帶 or 旺角往土瓜環的28M van仔上唔見......

有無好心人拾到呀? 記得通知聲!!唔該!!(係一個紅白間條既大口仔銀包黎架)

ps: 好在地鐵姐姐好人, 比我搭地鐵, 如果唔係身無分文都唔知點番屋企哦......

另類DIY @ 手挽袋

上次整完個布袋, 用左罐頭魚做主題,

剩左一D布頭布尾, 我當然唔會浪費佢地啦~~

 今次就用左"大自然"黎做主題哦!~~~^O^

來個Close up 吧!!

有萌芽生長的小豆苗~~~

想到這是什麼小動物嗎??

這是小甲虫哦~~~ladybird~~~

再來個小鈕扣~~~

手挽袋不算太大, 最適合袋少少隨身物品逛街去哦~~~^O^

手工比上次更好, 更滿意哦~~你們喜歡嗎?

瘦身增磅之旅

2007/09/16

仙姐很為我們設想, 怕我們常躲在藍色大門吃吃喝喝,

唯恐有一天會走不出藍色大門,

所以今天女工們休息一天, 一齊參加"瘦身之旅"

很興奮哦, 出發啦~~~~~~~~^O^

為免曬傷, 參與户外瘦身團既女工正在......塗點塗改液@_@

在船上品嚐仙姐為我們準備既瘦身餐單~~

豆腐吐司, 黑芝麻合桃吐司+美味抹醬x2

藍美人的味美cookies, 好多nuts喎!!!

一落船, 好壯觀既泥鯭魚乾同我地say hi哦~~~

等候中......也要玩一玩~~

行了不久, 為食女工May發現了美味咖哩魚蛋,

大大粒, 好多garlic, 很香很好吃!!!

吃完魚蛋, 又覺得有點口乾......

嗯......來一枝涼茶吧~~

上斜啦~~~喂~~~前面o個兩位女工~~~~咪行咁快啦~~~~~

行到咁上下, 開始又點熱, 又發現一個消暑好地方~~~

豆花很清涼, 很好吃, 吃完涼浸浸, 心情又更覺愉快~~~^O^

行行行......

女版羅賓漢+森林小皇子

有型嗎??^O^

四處影影影.....

行到1點多, 女工又覺肚餓了......

到了"南島書虫"吃一個西式素菜的lunch~~~

蕃茄西芹濃湯配garlic bread~

2款salad+巨型 burger

無錯是burger, 素burger~~~tofu burger黎架~~~

真係估唔到食素都可以咁好味同咁滿足!!!!!!勁愛!!!

PIZZA

大大份的奄列

入面有好多好多CHEESE哦~~~~

點了不同的飲品, 又來個試飲大會吧~~萬歲!!!!

carrot cake

麻麻地......not our piece of cake......

這個有很多很多nuts, fruit, 麥片的dessert, 不錯!!

欣賞一下大自然的美吧!!!

看完這個post, 應該明白為何命名為"瘦身增磅之旅"吧!!!!!!

PS: 部份相片來自I女工, T女工和井女工的, 謝謝!!^_^

My First Croissant

天氣開始轉涼, 有少少秋意啦~~~

咁既天氣最岩整下酥皮野~~

今日番學天地堂, 十個累呀......

所以一番到屋企就要整個包, 搓定個種, 發洩下, 令心理Balance D哦!

(如果食完身形也可Balance就好lor~呵呵)

在藍色大門玩過Croissant, 覺得真在太好玩啦, 所以就要Encore!!!

(又可以清下屋企既法包粉, 一舉兩得哦!!)

轆完3次皮都好地地, 無穿好靚仔, 不過......

再最後一次轆薄既時候就......穿左小小哦......真係要多多練習先得哦!!

到cut三角形個陣, 明明一早知到要點cut,

但係到拿住個滾滾刀就唔知轆左去邊=_="超低B哦...

好在焗出黎都好好味, 好鬆脆~~謝天謝地哦!!

這次用了70%的夾心牛油, 雖有大孔孔, 但不太滿意,

應是超爛的轆轆技術所致哦......

要練習多幾次先得哦!~~~

(不過整咁多點食得曬呀, 食完都出唔到屋企個門口啦......)

PS: 呢排唔知點解勁想食野, 食下食下, 攪到肥鬼左......係時候要Keep下啦!!!

 

9月之星@Blue Gate

今天藍色大門集合了一眾舊女工,

替9月之星---May, Nam Nam, Donald 來個birthday party 哦!!~~

生日快樂呀!!!

先來吃一下Donald做的醉雒亦~~

花雕味很濃呀~~~

小籠包

用了西式的做法哦~~

仙姐:"大家一齊來看看怎樣埋豬肉mousse呀~~" 呵呵呵......

生日蛋糕

西柚紅茶mousse cake

西柚的酸甜很醒胃, 再配上香濃幼滑的紅茶夾心,

還有脆脆脆脆脆......正正正!!!

真係少了誰也不行哦!!!!~~~

意大利米布丁

徇濃幼滑的米布丁再跟鬆酥底, orange +rum 提子,

口感和味覺也很豐富哦!!!

剛出爐的牛角酥

一咬之下, 香脆程度就如聽到相機快門那"卡刷卡刷"聲,

嗯~~~~~

未焗之前是一個軟棉棉很輕身的dough哦~

最後還有大大大大大盤菜呀~~~

這次是我第一次吃盤菜,

原先以為盤菜既所有野都係一種味,

點知今日先知完來唔係架~~~~~~~~很正哦!~~~

15個人一起吃, 最後也剩下1/3盤, 可想那個盤有多大~~

Angel's Happy Birthday

最小的表妹Angel生日, 來了我家作客,

還親自向我點了一個檸檬口味的蛋糕哦!!~~

晚飯後, 便是唱唱生日歌, 切切蛋糕,

我叫她許個願望, 切一下蛋糕,

她卻說:"我唔捨得切哦......"

最後Angel切了一大件給她自己, 竟然能吃清光,

多利害哦, 真不可看少小孩子的食力哦!~~~^O^

焗豬扒飯

一直也想整這個焗豬扒飯很久, 但遲遲卻未有動工.

早幾日行街又買左2個大焗盤, 咁就岩曬啦, 一於整呢個焗飯啦!!!~~

最花時間都係整個汁, 又要用好多材料,

包括紅蘿白, 西芹, 椰菜, 洋蔥, 香葉, 牛肉, 薯仔, 蕃茄...等等

香煎豬扒, 配上蛋炒飯底, 香濃醬汁, 再撤上芝士焗一焗,

夠曬香口~~~難怪兩大盤的焗飯一下子就掃清光了!!!~~^O^

若果加埋菠蘿粒就更更更好味哦!~~~~~~~~~~~~~~~~~~~~~~