這是屬於椰子類的小甜點,
雖然我不太好椰子, 但給它的外形吸引, 所以便動手做了!!~
Congolais, 佢個名真係改得無錯---剛果(剛硬的果實=椰子)
不錯造形比較難, 因為材料比較鬆散, 要比D力握實佢哦!!
用慢火焗到佢乾身脆身, 好香好香既椰子味!!~~
咬落去卜卜聲勁香脆, 好似食緊椰子味既叮叮糖一樣呀!!
用黎做新年既小食都唔錯架!!~
===============================================
Congolais 剛果
材料:
椰絲 250g
糖霜 130g
蛋白30g
做法:
1. 椰絲與糖霜混合, 確保糖霜沒有結塊.
2. 加入蛋白均勻混合成沙狀般.
3. 約 13g為一份, 將每份椰子料用手握成小山形.
4.放入130度的焗爐焗約50mins,放涼即成.
修改自<<大師級法式甜點烘焙科>>
今日同U既朋友仔去左大埔踏單車,
同行既有, Margo, Sarah, Helen, Josephine, Tony, 沅寧,曉怡和我
一行八人先去飲茶, 吃飽飽就出發啦~~~
大埔海濱公園--->吐露港--->科學園(終點)--->再踏番去大埔還車車~~
終點係"科學園"(完全未聽過呢個地方......=_="""真係見識少)
我地停留o係大埔海濱公園, 比D風景吸引住,
8架單車就泊埋o係一邊, 人就四散不停咁影影影!!
藍天碧海, 香港算是少見~
今日極度好天, 影呢張相o個陣真係曬死我*O*~~
靚靚的牽牛花
o係"科學園"外邊既唔知咩果~~
不過都幾靚 (唔通係科學果??)
今日天氣極佳, 藍天白雲四處也是
以下幾張藍天照片, 都係企o係同一個位影架,
真係各有不同既美態!! 真係開心啦!!
D雲真係多到一舊舊...一舊舊...一舊舊舊舊...
由3點半踏到晚上7點,
個個都患左踏單後遺症......pat pat 大腿超酸軟哦~~*O*oh my god~~
個個都好鬼攰, 我琴晚整好帶去既Focaccia一陣就掃清光啦~~
好在有包包頂下肚, 之後再坐車去沙田沙角村大排檔打邊爐哦~~~
今日真係玩得好開心, 好耐無接觸大自然, 好耐無踏單車, 好耐無去過大排檔,
好耐無試過玩得咁開心哦!~~^_^
終於考完試啦, 依家放緊Break (有一個星期咁大把!!haha)
呢幾日成日出左街, 去了藍色大門, 唱K, Shopping,
不停咁hea, 完全無壓力, 好正哦^O^~
係時候要開開爐啦!~~~
雖然我整左包包都有一段時間,
但Focaccia真係一直都未整過哦!!!
聽日約左U既朋友一齊去飲茶, 踏單車, 打邊爐~~
所以整呢個包, 等踏單車踏到累時, 就可以補充體力,
再切成細細塊會方便D食, 希望岩你地口味啦!~~^_*~
應承左人, 點都要開一開爐!!
今次request要心形, 都無問題既!!!
Raspberry Choco Mousse Cake
雖然好耐無做餅啦......今一埋位就上左身咁, 超快速就起貨啦~
可以繼續溫書......仲有soci VS econ哦哦哦......(暫時考左psyc 同politic, 心情超好!!)
這個蛋糕滿意嗎?
我的確很少做心形的餅......
所以裝飾方面我已經盡曬力, 希望味道搭夠吧!!
Blog似乎很久很久沒有update,
餅......很久沒有弄過......
包......也很久沒有搓過了......
曾幾何時最瘋狂的時候, 每天也會開爐, 甚或每天數次,
家裡時刻充滿香氣, 多麼的快樂哦!!^_^
最近的功課很忙, 很忙, 忙到人也慌了,
從未試過做一份Econ 的assignment那麼費時,
從未試過上學09:00-20:00,
沒有試過一個presentation 比Political presentation 難.......
沒有試過上堂的心情如此刺激, 比玩過山車還利害十倍......心跳加速......
幸好暫時的成績比我預期的好, 否則便慘了!!
雖然很久沒弄餅, 但總想打打Blog, 說一下關於自己的,
要不然連怎樣update Blog也會忘記,
活著的意義也恐怕被違忘......
面對學業, 好像未試過這麼認真, 這麼擔心,
或許是以往從未努力認真, 所以不懂擔心......
===========================================================
2007年12月1日那天, 回到中學參加舊生聚會,
見回很多很久不見的同學老師, 內心確是感動.
我的中學回憶, 是很快樂的, 謝謝你們哦!!
(文峰老師與我)
是時候繼續努力, 為將來而努力,
至少也為餘下的兩份assignment和四科final exam而努力,
繼續尋找活著的意義!!
饅頭......看上去好像很易做的包包,
不過......饅頭表面皺皮...凹陷...
包肉的組織太實...或太鬆...等等等等等...我也經歷過了.
真的叫人感到有點兒氣餒......好在"皇天不負有心人",
終於給我做到了, 實在令人振奮!~~~^_^
包面終於做到非常光滑了, yeah!~~~(謝謝飲姐的tips哦!!)
=============================================
曾經有人這樣問過我......
"這樣的一個包, 在街上才賣數塊錢一個, 幹麼要自己弄哦?? "
沒錯, 享受的不單是那口腹之感,
享受當中的過程其實來的更加實在.
你......感受到嗎? ^_^
=============================================
原味饅頭
材料:
中筋麵粉250g
砂糖25g
乾酵母2.5g
泡打粉4g
水120g(可視乎麵糰情況稍作加減)
做法:
1. 所有材料混合, 搓成光滑不黏手的麵糰.
2.用保鮮紙蓋著麵糰, 放在溫暖的地方發酵15-20分鐘.
3.將麵糰取出, 轆成長方形, 其後卷成圓條狀.
4.用刀切成約30g一小段的麵糰, 再放入蒸籠, 蓋上籠蓋, 再發15分鐘.
5.用中小火蒸約8-10分鐘即成.
小貼士:
1. 這是個中式包點, 所以第一次發酵後, 只會稍微脹大, 而不是像西式包般發大2倍.
2. 要令饅頭表面光滑, 只在蒸完後熄火, 不要立即取出, 讓饅頭留在鑊中多3-4分鐘才取出便可以.
3. 只要將水用其他液體代替, 便可做成不同的口味.eg: 椰汁, 咖啡...etc...
大家也來試試看哦!~~^_^
全都是用家中的剩餘材料做的秋葉包包,
大孔芝士.....番茄醬......統統都存放在雪櫃的深處......幾乎被違忘了哦~~
雖然這是包包, 但口感應說是餅乾與麵包的混合, 外脆內軟,
濃郁的蕃茄味配上芝士與黑椒碎, 怎可叫人不咬你一口呢??
難怪即使深夜出爐, 屋企人也一塊按一塊的食啦~~
(我在想, 我常常在晚上焗包, 香氣會否擾人清夢呢??鄰居...可別怪我哦!~~)^_^
