謝謝路人甲

相信大家都知道上個friday我唔見左個銀包,

我去左van仔總站搵, 又去過學校office 搵, 結果都係......

其實我都預左搵唔番......

o係唔見左銀包既呢幾日, 我覺得好無安全感哦......

怕比人check ID......無得去學校圖書館......無得去computer lab......

最唔慣既就係無左張"八達通"哦~~~~~~

有佢好方便丫嘛, 咇一聲就可以入閘搭車,

依幾日無左佢就慘lor, 朝朝早都要帶定D碎銀, 坐車前又要先去買買票......

上車前又要搵定D散銀......總之就好唔慣好無安全感啦......

公司Card又唔見左......無得拍卡要偷偷地入去......=_="""夠啦!!!!!

不過, 我今日上堂時收到個call, 係school office搵我,

話:"你個銀包o係我地office度呀~!!!"~~~

嘩~~真係即刻開心番曬, 一落堂就去認領番佢先~~~

我心諗D現金實無曬架啦, 不過有番D證件都好丫~~~(申請過實在太太太貴了!!)

打開個銀包睇睇先, 嗯, 一蚊都無少到哦~~~~~D野o係齊度!!!

我問番個staff 係o係邊度拾到架???

佢話係個路人甲拾到個銀包送番黎學校, 再由保安叔叔送上sch office架~~

真係好開心, D安全感番曬黎啦~~~~~

真係估唔到呢個世界仲有D咁誠實既人~~~

真係要多謝你呀~~~路人甲!!