「惠康Wellcome Home博客活動」

11月12日星期六下午參加 「惠康Wellcome Home博客活動」，

有得玩、有得食、 有嘢學、 仲有禮物收嘅聚會。

 

惠康Wellcome邀請咗《香港美食100強》嘉賓廚師兼本港烹飪新星梁雅琳(Hilda) 示範咗三款好味經濟、方便易煮的創意菜式，Hilda仲分享咗好多烹飪秘訣，以及選購新鮮食材小貼士。

 

示範創意菜式包括:

- 香草鮑菇焗薯

- 啤梨汁燴虎蝦

- 芥末咖哩牛肉串

 

Hilda示範第一款菜色香草鮑菇焗薯，用咗新鮮韓國杏鮑菇，加入蒜蓉、五香粉煮至軟身，拌入預先煮好薯蓉、青豆，再加入牛油、蛋、淡忌廉、酸忌廉、奧勒岡碎、車打芝士碎，入焗爐190度，先蓋錫紙焗10分鐘，攞走錫紙再用200度焗10分鐘，配合沙律菜一齊食，好香、好味道，超讚。

 

Hilda教授點樣煮啤梨汁， 用咗「惠康Wellcome」新鮮荷蘭啤梨配合加拿紅蘋果，加入檸檬汁、黑糖、肉桂粉、豆蔻粉、紅椒粉，最後再加入1/4杯紅酒，呢個汁真係好特別，配合煮熟「首選」原隻特大虎蝦，味道好正呀，虎蝦好爽口好好食。

 

最後一款係芥末咖哩牛肉串，用咗澳洲Diamantina穀飼牛肉，肉汁豐富。Hilda將預先用御品皇咖哩粉、御品皇咖哩醬、鹽、糖、蜜糖將牛肉醃味，用竹籤把牛肉、乾蔥和rosemary串起，係平底鑊內煎熟，塗上黃芥末醬就食得啦，簡單好味又方便，用梨宴客開party真係一流。

 

Hilda示範完之後就輪到blogger玩遊戲，大家選擇唔同食材，20分鐘之內煮一個菜，我同Tendy一組，煮咗呢款“XO醬鮮什菌牛肉粒” ，雖然最後嬴唔到，但實在好好玩呢。

梨梗仲會有創意食譜比賽，有機會贏取「德國Thomas不銹鋼廚具系列」，一定要參加呀。

食完玩完仲有好多禮物，有御品皇食材、醬料，同埋惠康新鮮蔬果，要好好想吓一D創新食譜至得。

內容轉載自Anne Chan