什果仁鳥結糖

今年新年實在黎得好快, 岩岩先聖誕節完, 話咁快又新年啦~~

真係咩都未準備好......賀年糖果都未買呀*O*~~~

今日已經係年初一, 好多店舖都關左門啦......

唯有o係屋企搵下有咩料可以整啦~~

咁岩比我見到貓姐整呢個鳥結糖, 仲要有齊材料~~yoho~~

一於o係大年初一開工啦!!!

由於屋企一時間無咁多nuts,

所以用左花生, 杏仁, 榛子 岩岩夾夠~

仲加左好多vanilla 籽呢~~

今日先知道原來鳥結糖可以無牛奶成份架~~

唔算難整, 不過mix埋d材料都要幾花氣力, d糖膠好重哦~~

成品出來好香nuts味, 是軟身的鳥結~~

切o個陣都唔算難, 不過最難既係佢地點都有D 痴,

切完都好易痴番埋......點先可能唔會咁痴手痴腳呢??

下年都係要早D準備賀年糖果啦~~^_^

各位: 新年快樂呀!~~~~