蜂巢雞蛋卷

2007/06/29

試了很多個配方, 終於成功了!!!

 

煙肉蔥花卷

2007/06/28

味道口感也很好, 不過包底仍要改良!!

謝謝您

淚如雨 ; 忘不了

彈蛋糕 @咖啡雪芳蛋糕

近日某 美X餅店的新出品--彈蛋糕

好奇之下到餅櫃看了一番......

原來只是雪芳蛋糕.....加些生果......

做過雪芳的人, 也知道要用專用的煙囪模,

餅店的也不例外, 用了紙煙囪模......

最笨的是......放了一盒吉士醬在面, 蓋著那煙囪......

看上去好像豐富及滿一點......好像很抵買....

這樣的一個底成本的蛋糕就收你$90幾蚊......

買的人確是更...笨笨笨...啊~V_V"""

我也很久沒有弄雪芳, 這回弄了一個咖啡口味的,

再配上充滿Vanilla的香滑吉士醬...吃完一口又一口, 很滿足呀!!!!^O^

還是自己動手做最好!!~

24小時彈彈波吐司

2007/06/25

其實呢個吐司, 即係 17小時中種彈彈波吐司,

之不過要出街, 唯有將個中種做一做手腳......

番到屋企再整既時候已經變左24 小時啦~~

其實上次都整過呢個吐司, 不過因為卷得唔好,

又衰多手加左個蓋, 令到個包包唔可以盡情咁發發發.....

成品唔多滿意, 所以無post到~

今次就好好多啦, 卷得好左, 唔加蓋比佢盡情咁發,

發到比模高出1/3呀~~~yeah!~

要多謝蛙蛙同大丸教我roll roll roll~~~~^O^

放入模個陣仲好地地, 發完45mins後......

變左......右一及二: Twins  

左一: 細細粒  左二: 大魔怪   (即係大蝦細!!!) hahaha

真係好抵死!!!hee heee heeee~~

今次亦都鬆軟綿密左好多啦!~~~好好味道呀呀呀!!!!!

Raspberry Lemon Delice

2007/06/21

在藍色大門學的蛋糕很好味, 一定要encore~~

謝謝vanlily為我搶購那麼新鮮的新鮮芝士......hee hee

Raspberry Lemon Delice

jam始終不夠企身, 有待改善!!

蛋糕很清新, 也不滯膩!!很岩夏天吃呢~

餅面的裝飾很熟口熟面嗎? 沒錯!!

就是......就是 ....那些用剩的材料囉......HAHAHA^O^
 

果實之醬@Strawberry Lychee Jam

2007/06/18

這陣子太忙了, 堆積了很多post未出呢......

話說回來, 屋企有很多strawberry,

再加上Daddy在新界採了很多lychee,

就做了這個 Strawberry Lychee Jam

 嗯, 很甜美的味道呢~

 

 

十全十美端午前夕聚

2007/06/17

Mont Blanc

切開入面幾咁靚仔~~有cream, chestnut butter cream

口感好rich, 好豐富!!!!!

呢盒係日本既 鹽漬櫻花~~~~

吊起D櫻花睇清楚D啦~~~

係咪好靚呢~~~

不過好咸架!!!

包入紅豆餡

就成了 和風紅豆包

還有和風叉燒包

碎酒櫻桃開心果Tart

食到high high地

配上金寶面, 口感又唔同啦~~

好吃到停不了口既京蔥羊肉餃~~

非常滿足呀!~!!!!

超巨形超好味道既芒果布丁

呢個Pudding重 2 kg架!!!!問你食唔食得曬!!~~^O^

Raisins Scone

貶下眼就出爐啦~~

17小時中種彈彈波吐司

什麼也不塗也要吃掉的好味吐司呀!!!

用17小時來製中種, 是值得的!!!!!!!

Cream cheese raisin pound cake

好rich的pound cake配上raisin, 中和了滯的感覺!!

幾多raisin~~

還有陳生的 ice wine

用來配甜品的冰酒, 比甜品更甜!!!!!

不過很易入口, 很好味~~^O^

今次我地Total整左10款美食,

仲要樣樣都成功!!!~~呢個端午前夕真係太難忘啦!~~~^O^

果實之醬@ Fig Jam

2007/06/17

早前托Donald買了無花果, 終於可以一試了!!!

若簡單地把無花果送往咀裡幹掉的話,

味道是......淡淡的清甜......有點像"綠豆沙"中的"臭草"味~~

當然沒有那麼濃烈啦!!!!是很清的!!!

這回把無花果做成果醬, 味道來得更濃郁, 更好吃, 卻又不失清甜的感覺!!!^O^

 

 

果實之醬@Japan Pumpkin Vanilla Jam

做了一款一直也想試的果醬,

用南瓜黎做jam都係第一次聽, 第一次試!!!

味道很甜美啊, 質感有點像baby food, 不過就好味很多啦!!!~~

Juwan Happy Birthday

2007/06/12

今日係Juwan既生日,

所以就整左呢個White Chocolate Passion Fruit Gateau送比佢,

佢平時食野好奄尖架, 但今次佢就話個passion fruit 夾心好正wor~~^O^

都好, 無白費我一番心機!!~~YEAH!!!~~

HAPPY BIRTHDAY !!!!!!!!!!!

 

包糉記@Video實戰篇

準備好包糉既材料後,

依家遨請到小肥糖既 Daddy示範一下點樣包糉啦!!~~

 

四角糉的包法

五角糉包法@part 1

 

 

 

五角糉包法@part 2

包糉記@食材預備篇

今日天陰陰成日落雨, 屋企非常咁齊人,

又就快端午節, 所以今日就決定包糉啦!~~~

包糉不可缺少既緊係糉葉啦, 糉葉其實即係大塊既竹葉囉~~

仲有扎糉用既加咸水草~~等我比D小貼士大家啦~~

買番黎個陣係乾貨黎架, 比較dirty,

要處理過先可以包糉架!!

1.先將D糉葉同咸水草用水浸佢 1小時, 令佢軟身.(下圖)

2: 燒一大鍋熱水, 水滾後收細火, 將已浸軟身既葉和草放入, 整理一下,

確保所有葉和草也浸到水, 就關掉火, 蓋上鍋蓋焗佢 30mins.

3: 焗完水就倒去D水, 在水喉沖一沖, 再用浸有水既布擦葉身,

Total要過2次水擦2次先夠乾淨架!!

糯米和開邊綠豆

要用水浸過面, 浸2小時~

浸完米就隔去水份, 加D鹽加D油撈下佢, 等D米唔會無味啦~

4.7斤米, 撈左6茶匙鹽+4湯匙油

跟住預備2大粒乾蔥, 切碎佢!!!!!用黎爆下D開邊綠豆!!!

 加少少油爆一爆D乾蔥碎

倒入已隔走水份既綠豆, 爆一爆, 加D鹽

初初炒炒下會出少少水, 炒到佢乾水,

就倒埋D浸瑤柱既水, 再炒到乾身, 就OK啦!!!!

蝦米(左上)           栗子(上中)          咸蛋黃(上右)

乾瑤柱 (下左)    兆君細佬推介既五香粉(下中)    五花豬腩肉(下右)

配料小tips

1:蝦米要先浸軟

2:栗子今次用左四洲急凍既,$7個幾一包, 在惠康買的, 粒粒都好靚~~

3:選購咸蛋要搖下佢, feel到有蛋黃存在, 就為之靚蛋黃, 醃夠身!!

4:乾瑤柱浸軟身, 撕成絲, 瑤柱水留黎用黎爆開邊綠豆呀!!

5:五香粉要去街市買, 因為五香粉放得太耐會唔夠香,

街市個D賣得快, 新鮮D, 香味先夠!!!

6:五花豬腩肉要買D有少少肥肉既, 咁D糉先好味, 糯米先夠軟滑架~

7:包糉唔好放冬菇做餡, 因為冬菇會令隻糉好易"叔"架, KEEP得無咁好!!

8:仲有, 可以既話, 唔好開冷氣黎包糉, 因為冷氣令D糉葉好快被吹乾, 變得脆身, 咁包個陣就好易爆架啦~~一係就比D 濕布蓋住!!~

杏仁瓦片

2006年6月9日

早排整的mousse cake, 剩下了很多蛋白,

係時候要消滅佢地啦~~~!!^O^

真是一塊接一塊地吃吃吃吃.........