蝦米蔥花腸粉 (附食譜)

很久以前和蛙蛙會長買下這個卷腸粉的玩意,

腸粉架和白洋布

整過一次後便沒有再整了......

今日終於再拿番佢出黎, 玩下先!!~~~

蝦米蔥花腸粉

開始個陣有D唔順利呀, 不過卷下卷下就愈來愈順暢啦!!!Yeah!~~

同街買個D都幾似, 不過當然有多D蝦米同蔥花啦!~~~

今次就咁用生抽點黎食, 如果自己煮埋個甜豉油就更好啦~^O^

腸粉食譜

粘米粉 160g

水320g

液體無味油30g

鹽及糖少許

蝦米蔥花適量

做法:

1將水和油慢慢加入粘火粉中混合至無粉粒狀, 再加入鹽及糖攪拌.

2將腸粉加放入燒熱水的鑊中.(好似平時蒸野咁!!)

3將白洋布濕滿水, 放在腸粉架上.(每蒸一條腸粉, 布也要濕水!!)

4倒入薄薄一層腸粉漿, 灑入少許蝦米及蔥花.

5蒸約2-3mins, 見腸粉皮離布便熟透!

6將整塊布拉起, 番轉放在平的碟上(即腸粉皮在碟, 布在上)慢慢小心地拉走布.

7將腸粉皮卷起便成了!!^O^